Utan Bisaya

by Jen Tanedo

Aku kaninyu adunay isugid

Kabahin sa simpleng kinabuhi sa bukid.

 Dili gayud kalikayan nga aku magpangita

Sa sarang ikapanghambug nga utang bisaya.

Ang bisaya namung utan

Usa sa dili gayud naku mahikalimtan.

Utan sa syudad aku nakalitan,
Ug nganung kini gimantikaan?

Sa bukid, ang pagkapresku sa adlaw

Ang kanimu mupukaw.

Sagad sa buhatun, hangad sa langit,

Manghuy-ab ug manghiwatid.

Kalmang mukuha sa guna ug mupaingun sa uma.

Bisan ug way panghilam-us, solve na!

Sukwahi sa syudad nga magkara-kara.

Buntag pa gani, pagkahamusa na!

Kung si tatay pay pasultiun,

Sa syudad, dili gayud siya makauyun.

Ug nganu? Kini tungud sa matud pa niyang

Dakung kalahian sa panginabuhian.

Siya nagkanayun,

Sa bukid, naara sa tugkaran ang lamiang sud-an.

Sa kalabasa, kamunggay, batung ug ukra,

Dili ikabaylu ang sustansya at lasa.

Sa syudad, tanan palitun hasta utanun

Apan wala kay choice kay kinahanglan man mukaun.

Mau pud lagi ug dili ka tapulan

Maghagpat sa mga rekados sa utan.

Ug ikaw muadtu usab sa karenderya,

Utan ba kaha kini? Ikaw makapangutana.

Taysa, ayaw nlng kay naa gihapuy baboy.

Hay, buhay!

Kini pipila lang sa mga kamatuuran

Ug kita masugamak sa kapalaran.

Aduna gayuy kausaban nga dili kalikayan

Sa bukid o sa syudad man.